យល់ដឹង អំពីធនាគារ ???
14-July-2017 | ដោយ ពល បញ្ញា
នាគារបានដើរតួនាទីយ៉ាងសំខាន់មួយក្នុងការអភិវឌ្ឍន៍និងជំរុញសេដ្ឋកិច្ចក្នុងតំបន់។ ប្រជាជនមិនតិចនាក់នោះទេដែលប្រើប្រាស់សេវារបស់ធនាគារ។ ប៉ុន្តែ ពុំសូវមានមនុស្សច្រើនទេដែលយល់ច្បាស់អំពីដំណើរការរបស់ធនាគារ។ ខាងក្រោមនេះជាព័ត៌មានដែលអ្នកអាចស្វែងយល់បានអំពីធនាគារ៖
១) សេវាកម្មរបស់ធនាគារ៖ ជាទូទៅ ធនាគារមានសេវាកម្ម៣យ៉ាងធំៗគឺផ្តល់សេវាប្រាក់កម្ចី ប្រាក់ឥណទាននិងសេវាផ្ទេរប្រាក់។ ប្រជាជនអាចដាក់ប្រាក់ឬសន្សំប្រាក់នៅធនាគារដោយទទួលការប្រាក់ពីធនាគារ។ ម្យ៉ាងវិញទៀត ប្រជាជនក៏អាចខ្ចីប្រាក់ពីធនាគារដើម្បីយកទៅបើកអាជីវកម្មឬទិញទំនិញតាមក្តីប្រាថ្នាជាដើម។ ប្រសិនជាគ្មានធនាគារនោះទេ ប្រជាជនពិតជាលំបាកក្នុងការស្វែងរកដើមទុន។ បន្ថែមពីលើនេះទៅទៀត ធនាគារក៏ផ្តល់នូវសេវាផ្ទេរប្រាក់ពីកន្លែងមួយទៅកន្លែងមួយទៀត ដូចជាក្នុងការទិញទំនិញដោយពុំចាំបាច់ប្រើប្រាស់សាច់ប្រាក់ផ្ទាល់។
២) សារៈសំខាន់នៃធនាគារ៖ ប្រសិនជាគ្មានធនាគារនោះទេ អ្នកចងការប្រាក់និងអ្នកខ្ចីប្រាក់ត្រូវជួបគ្នាដោយផ្ទាល់ដោយគ្មានការការពារពីធនាគារជាតិ។ ម្យ៉ាងវិញទៀត ការចំណាយគឺមានតម្លៃខ្ពស់ជាង ព្រោះត្រូវមានអ្នកធានាឬមេធាវីដើម្បីធ្វើជាសាក្សីជាដើម ហើយអ្នកចងការប្រាក់ក៏មានហានិភ័យខ្ពស់ព្រោះអ្នកខ្ចីអាចនឹងគ្មានលទ្ធភាពសងត្រឡប់មកវិញ។
ដោយឡែក ធនាគារប្រើប្រាស់ប្រាក់ពីអ្នកសន្សំទៅឲ្យអ្នកខ្ចីលុយពីធនាគារ។ ហើយប្រសិនជាអ្នកខ្ចីពុំអាចសងបាន ធនាគារមានសិទ្ធិរើសអូសទ្រព្យសម្បត្តិរបស់អ្នកខ្ចី ដែលនេះជួយធានាសាច់ប្រាក់របស់អ្នកសន្សំនៅធនាគារ។ តែ ទោះបីជាយ៉ាងណាក៏ដោយ ធនាគារក៏ផ្តល់រយៈពេលវែងដល់អ្នកខ្ចី ដែលនេះជួយឲ្យអ្នកខ្ចីមានលទ្ធភាពក្នុងការសងផងដែរ។
៣) ប្រាក់ចំណូលរបស់ធនាគារ៖ ធនាគារអាចរកប្រាក់ចំណូលតាមវិធីជាច្រើន។ ប៉ុន្តែ ចំណូលមួយផ្នែកធំរបស់ធនាគារគឺរកបានតាមរយៈការប្រាក់ដែលធនាគារឲ្យលុយទៅអ្នកខ្ចី។ បើទោះបីជាធនាគារផ្តល់ការប្រាក់ដល់អ្នកសន្សំដែរក្តី តែការប្រាក់ដែលធនាគារយកពីអ្នកខ្ចីគឺខ្ពស់ជាងការប្រាក់ដែលធនាគារផ្តល់ឲ្យអ្នកសន្សំ។ ក្រៅពីនេះ ធនាគារក៏អាចរកចំណូលតាមសេវាកម្មផ្សេងៗដូចជាការផ្ទេរប្រាក់ឬការផ្តល់ដំបូន្មានផ្នែកហិរញ្ញវត្ថុដល់ក្រុមហ៊ុនធំៗជាដើម៕
ចំនួនអ្នកទស្សនា
- ថ្ងៃនេះ3921
- ម្សិលមិញ4091
- សប្តាហ៍នេះ3921
- ខែនេះ23991
- ឆ្នាំនេះ360251
- សរុប19587697